ZALEN September 21, 2023 : Vawiin khan Health and Family Welfare Minister Dr. R. Lalthangliana chuan 'Energy for Health ' program Mizoram chu a hmasa ber leh a vawikhatna atan Zemabawk Urban Primary Health Centre ah a hawng.

SELCO Foundation, Mizoram leh Health & Family Welfare Dept , Mizoram sawrkar chuan Memorandum of Understanding (MoU)  hmangin thawhhona thuthlung an ziak a. He program in a tum ber chu Hriselna lama hmalakna pawimawh, Mizorama Health Center 300 chuanga Ni zung chakna hmanga hnathawh theihna tura  kawlpheta pe chhuak tura hmalakna a ni. 

Kum 2023 chhung hian center 300-ah dah vek tum a ni a, unit khat atana hian cheng nuai 3 atanga nuai 8 thleng hman tur a ni. He programme hawnna ah hian Health Minister, Mission Director, NHM leh Health Dept. mi pawimawhte, SELCO foundation atangin Chief Finance Officer leh a staff te bakah khawtlang hruaitute an tel a ni. 

Health Minister Dr. R. Lalthangliana chuan, 'Energy for Health' program hi leilung hausakna tichhe silo lova, Pathian min pek Ni zung chakna hmangin Mizorama Sawrkar Health Centre te ni zung chakna hmanga ti chang tlung tura SELCO foundation te nena   thawhhona chuan hmasawnna tluantling Mizoram mipuite hnenah a thlen ngei ang tih a beisei thu a sawi.

VK Joby, CFO -SELCO Foundation chuan " Health Dept leh SELCO Foundation te ram hmasawnna kawnga kan thawkho thei tur hi a lawmawm hle a; "Energy for Health" program hi hriselna kawng a Mizoram a  hmasawnna thlentu anih theihna tura a tha thei ang ber a duan leh buatsaih a ni" a ti.