Soweto, South Africa-a bar pakhatah silai keng mi tu tih hriat loh ten silai an hmetpuak chiam a, mi 15 an thi. Inkahna hi Inrinnia thleng kha niin, pawi khawihtute hi man chhuah an la ni lo. 

Police te chuan heng silai kengte hian bar hi luhchilhin silai hi an hmetpuak a, rifle leh pistol an chelek thu an sawi. Thite hi kum 19 atanga kum 35 inkar vek an ni a, hliam tuar pawh eng emaw zat an awm. Hliam tuar thenkhat hi an dinhmun a tha lo hle a, thi zat pawh hi an punchhoh leh a rinawm. 

Gauteng province head of police, Lt-Gen Elias Mawelav chuan pawi khawihtute hi chhui mek an nih thu leh man chhuah an la neih loh thu a sawi. Hetih lai hian inkahna hi Inrinnia thleng ni mah se Pathianni khan a hmun hi police ten an thleng ve chauh tih a hmuna awmte chuan an sawi.