3rd July, 2023: Lalrinliana Sailo, Legislative Assembly Speaker chuan Assembly Secretariat a hnalak chungchang RTI a dil a nih chu tha a tih thu ZALEN zawhna chhangin a sawi.

Rinliana chuan, "Hnalak zawhnate hi outsource thin a ni a, department dang zawhna lo siam tawhtute an ni a. Kan official te hian dik thei ang berin tih an tum ve bawk," a ti a. 

"Hetia RTI -a tih mai hi ka lawm khawp mai a, a dik chu a chhuak law law dawn a, a fiah zawk ang," tiin a sawi a. Zirlai pawl te amah kawmtute nen pawh tha takin an indawr niin a sawi bawk.

Rinliana chuan social media-a comment a hmuh fuh pakhat sawi chhuakin officer fate pawh tling ve thei tho lehkha thiam tak tak an awm ve a, an thiam phawt chuan officer fate an nih avanga laklohna chhan tur a awm bik lo nia a ngaih thu a sawi bawk.