August 14, 2023; Aizawl District Court-a special judge (Prevention of Corruption Act) Dr HTC Lalrinchhana chuan, National Rural Health Mission (NRHM) mission director hlui Dr N Pallai chu kum 1 tang tur leh Rs. nuai 24 chawi turin a hrem.

PRISM president leh GS ten January 13, 2010-a Anti Corruption Bureau (ACB)-a FIR an thehluh chu ACB chuan an chhui a, an thil hmuhchhuahte court-ah an thehlut a, hun eng emaw chen ngaihtuah a nih hnuah court chuan August 11 khan Dr Pallai chu thiam loh a chantir.

Court thuremnaa a lan danin, Dr N Pallai hian a tak taka huaihawt si loin tum 4 lai zirhona (workshop) a buatsaih a, chu'ngah chuan Rs 4,19,360 eiruah puh a ni. Health sub centre 10 siamna Rs 35,40,000 eiruah leh PHC thawm thatna sum Rs 9,50,000 eiruah puh a ni bawk. Heng puhna chi li-ah hian thiam loh chantir a ni.

Special Judge chuan Dr N Pallai hi eiruk thubuai dangah May 12, 2023 khan thiam loh a lo chantir tawh a, chumi tum chuan kum 4 chhung jail-a tang tur leh Rs 24,00,000 chawi turin a hrem.