Aizawl: New Delhi-a cham mek Sports Minister Robert Romawia Royte chuan Zirtawpni khan Union Tribal Affairs Minister leh Indian Archery Association President ni bawk Arjun Munda kawmin Mizorama Archery leh Tribal sports tihchangtlun dan turte an sawi dun a, Union Minister hian Mizoram Sports tihhmasawn nana tan lak a inhuam thu a lo hrilh a ni.

ICT Minister Robert Rimawia Royte hian Union Minister for Communications & Information Technology Ravi Shankar Prasad pawh kawmin Mizorama mobile phone leh internet tha tawk lo tichangtlung turin a ngen a, Digital India Program chungchang leh Mizoram hmun tin Internet leh Mobile-in a pawh vek dan turte an sawi dun a ni. ICT Minister-in Aizawla BPO hawn a rawtna pawh tha a tih thu Union Minister chuan hrilhin theihtawp a chhuahpui tur thu a sawi. ICT Minister hi Mizoram Lok Sabha MP C.Lalrosanga chuan a tawiawm a ni.