DOWNLOAD OUR APP

Read latest news on your phone
app-store
Sri Lanka : President-in an ram a chhuah san, mipui lungawi loin PM office an luh khung!
Jul 13, 2022

Sri Lanka buaina chuan zual lam a pan zel a, an ram president Gotabaya Rajapaksa chuan himna zawngin an ram a chhuahsan. Hetih lai hian mipui lungawi lo chuan prime minister Ranil Wickremesinghe office an luhkhung a, state of emergency puan nghal a ni. 

Sri Lanka hi economy-ah nasa takin a tlahniam mek a, an ram sum leh pai tlakchhiat chhanah hian president Gotabaya Rajapaksa leh prime minister Ranil Wickremesinghe te chu mipuiten mawhphurtuah ngaiin beih an tawk nasa hle. President Gotabaya Rajapaksa hian a nihna atanga ban a remtih thu a puang tawh a, PM Ranil Wickremesinghe hi acting president atan ruat a ni.  

Mipui lungawi lo hian president Gotabaya chenna-in an luhchilh a, bungrua thahnem tak an tichhia. Mipuiin an luhchilh hma hian Gotabaya hi a inthiar fihlim hman a, taksa himna zawngin a nupui leh security official pahnih hruaiin Maldives-ah an thlawk lut tih millitary offcial te chuan an puang. 

Mipui lungawi lo hian vawiin khan prime minister Ranil Wickremesinghe office an luhkhung leh a, mi sing tel an pungkhawm. Pung khawmte hi police ten hnawh darh tumin tear gas nen bei mah se mipui hian an tam hneh em avangin PM office hi an luh khung ta tho a ni. Lungawi lohna a nasat em avang hian state of emergency puan nghal a ni a, Western Province-ah carfew puan a ni bawk. 

Sri Lanka-ah hian nitin mamawh a harsa hle a, power supply a mumal loh bakah, oil, damdawi leh ei leh in tur a harsa chho mek zel a ni. 

India leh Myanmar Border Fencing
India leh Myanmar ramri hung tum chungchang hi eng nge i ngaihdan?
Hung hi tha ka ti lo
Hung se ka ti
Ngaihdan ka nei lo

Latest News & Chhiar Hlawh