India ramah kumin October 1 atang khan 5G service kalpui tan a ni a, tun dinhmunah State leh UT 14-ah kalpui niin, khawpui 50 chuang an tuam tawh a ni. Minister of State for Communications, Devusinh Chauhan chuan hemi chungchang hi Parliament-ah ziakin a tarlang a, Telecom operator te hmalakna a tarlang bawk. 

Tun hnaia smartphone chhuak thar tam zawk chu 5G a ni deuh vek tawh a, a taka hman theih a nihna erawh a la rei lo hle. October 1 atang chauh khan a tak takin kalpui a ni a, State 12 leh UT pahnihahte kalpui a ni tawh. India rama Telecom operator lian Bharat Sanchar Nigam Limited (BSNL) chuan 5G network kalpui tur hian sum an seng hnem tawh hle a, an sum sen tawh zat hi vaibelchhe 57,671 zet a tling tawh niin an tarlang. Minister Devusinh Chauhan chuan BSNL hian thla 5/6 hnu velah chuan %G service hi an kalpui theih an beisei tih a sawi bawk. 

BSNL bakah hian Mahanagar Telephone Nigam Ltd. (MTNL) pawhin 5G kalpui tur hian hma an la a, anni pawh hian vaibelchhe 14,989 zet an seng tling tawh a ni.