February 20, 2024; State Day Celebration Committee (SDCC) bultumin, vawiin Mizoram State Day (February 20) hian Lammualah zaihona leh tawngtaihona neih a ni a, saiip puan sin mi thahnemtak an pungkhawm.

Tunhnai a thuthar thehdarhtute an kawmna ah SDCC hruaitute chuan kan missionary-te zara Kristian ram tiin kan inchhal tih sawiin, "Mizote hian February 20, 1987 atang khan state puitlinga hlan kai kan nih hriatreng nan kum tin State Day kan hmang thin a, official function bak engah mah Kristian kan nihna lantir zawnga tih a la awm ngai lo," an ti.

State kan nih hnua Mizoram awm dan hi ringtute leh tawngtai mite tan a khawp kham ta lo nia hriat a nih thu sawiin SDCC chuan, "Chuvangin tuna kan sawrkar lo din phat atang khan a ram pum huapa Pathian hnena tawngtai ni hmang ve tawh turin Pathian mi thenkhatte leh kan Chief Minister ngei pawhin a lo sawi tawh," an ti a, CM nen an sawiho hnuah State Day of Prayer Committee din nih thu an sawi.

SDCC hruaitute sawi danin, Chief Minister duhsakna hnuaiah State Day hi ram pum huapa sual ngaihdam dila chawnghei tawngtai beihpui ‘Ninevi Challenge’ atan hman a ni dawn. Chhun dar 12:55 thleng zaiho tur niin, dar 1 ah chief minister Lalduhoma'n a hawnna hun hmangin, tawngtairualna hun atan hman zui a ni ang.