7th July, 2023 ; Vawiin chawhnu dar 1:15 khan Labour, Employment, Skill Development & Entrpreneurship Department (LESDE) Office thar leh Multipurpose Centre, Mizoram Building & Other Construction Workers Welfare Board chu MINECO, Khatla-ah Lalchhandama Ralte, LESDE Minister chuan a hawng a. LESDE office chu state sawrkar sum tel loa sak niin thalaite department a nih thu a sawi. 

Minister chuan LESDE chu thalai rualte department a nih thu sawiin khawvel chu labour leh skill development lamah a thang a, ramchang kang pawh chutiang chu an ni zel a. Hemi lamah hian kan than a ngai a, chumi centre tur ber chu zawn chawp ngai tawh lo, panna nuam, directorate dawr nuam, a pantu thalaite pawh an len halhna hmun a ni dawn a ni, " tiin a sawi. 

Lalchhandama Ralte chuan Department upa tawh tak office building pawh nei mumal lo, hun rei tak mai chu zawhte no nei ang mai a, insawn kual an nih thu a sawi chhuak a. "Vawiina hetianga mahni intodelha building kan nei thei hi kan lawm a. Chief Minister zahawm tak hnenah a ram min pek theih chuan sum chu State sawrkar tibuai lovin kan nei thei ang tiin kan nawr ve a. A taka a thleng thei ta hi a lawmawm takzet a ni, " tiin a sawi. 

Office hawn ni July ni 7 kher a thlanna chhan chu Laldenga thih ch a nih thu a sawi bawk. 

He hawnna programme hi Lalramsanga Sailo, Secretary LESDE chuan  kaihruaiin Building sakna chu State sum tibuai lovin Central Board of Construction and Workers Fund atangin a sakna a lokal thu leh a satu chu CB Engineering an nih thu sawi lan a ni bawk.

Technical report pek niin Fund hi Vaibelchhe 15 hmuin a satu CB Engineering chuan thla 36 hun neiin thla 30 chhungin a zo a ni. 
Building hi chhawng 9 niin sq feet 36,000 a zau a ni a, tui dahna litre 60,000 awmin solar panel 8 kva day a ni a. Vohbik tan kalna bik dah bawk a ni.

Minister chuan hemi rual hian Employee Exchange App, Empex (Employment Exchange) chu a hawng nghal bawk.