February 21, 2024; Chief minister Lalduhoma'n Mizoram sawrkarin sum an nei lo tak tak tih sawiin, Zoram mipui pawh kum khat nghak a, an harsatna hrethiam turin a ngen.

Vawiin Budget Session a Larsap thusawi sawihona ah hemi chungchang hi sawiin, chief minister chuan, chhungkaw pa berin an sum dinhmun chhiat zia a fate a zirtir a, amah pawh a nungchang engkimah a inren tih an hmuh a, an nei lo tak tak a ni tih an hriat chuan a chhungte'n an thlawp ang tih a sawi.

"Chutiang ang chuan Mizoram sawrkarin sum a nei lo tak tak tih Zoram mipuiin min hriatpui se kan duh, keimahni pawh kan inhrek mek a ni," a ti.

Sum lama an inrenna chungchang sawilangin, tun hnaiah an hotu pakhatin a carpet thlak ve em em tawh tura a tih thu leh, a la hman theih tia a a chhan thu sawiin, "Kan inren a, Zoram mipui pawh kum khat min nghak a, kan harsatna min hrethiam turin kan ngen duh," a ti bawk.