August 10, 2023; Mizoram Pradesh Congress Committee (MPCC) chuan, sum leh pai enkawlna kawngah MNF sorkar ang em em a hlawhchham leh talbuai hi Mizoramah an la awm ngai niin an sawi.

Vawiin a thuthar thehdarhtute an kawmna ah, an thupuangtu Lallianchhunga chuan, India rama nitin chanchinbu rintlak ber zinga  ngaih, The Indian Express in August 1, 2023 a a tarlan danin, Mizoram chu state sum thawhchhuah atanga chhutin India ram state leh union terrritory zingah leiba ngah ber a ni, tih a sawi. 

"Mizoramin state a nih, kum 1987 atanga kum 36 chhunga leiba a neih chhoh zel tlingkhawm leh MNF sorkarin kum 5 chhung leka leiba a neih belh zat hi a intluk thuak tawh a ni," Lallianchhunga chuan tiin, "Hetiang khawpa leiba pung chak hian Mizoram sorkar hi a la awm ngai lo," a ti.

"Kumin Budget a Mizoram leiba tur zat a chhut chu Rs. vbc. 13557.32 a ni a. Kum 2023 a Mizorama mihring awm tur zat (Projected Population – 13,70, 000) atanga chhut chuan naupiang hlim pawhin Rs.98,958 leiba nei ang kan ni," a ti bawk.