Aizawl: Nimin zing khan Mizoram Merchant Associaton (MIMA), Gen. Hqrs. hruaitute chuan hnam dang dawr nia an hriat ah te kalin a building neitute hnenah hnam dang luahtir lo tura ngenna lehkha an pe.

Hemi pual hian zing dar 7:00-ah Millenium Centre kawtah hun hman a ni a, thu sawiin MIMA President P.C.Laldinthara chuan, “MIMA hian Mizoram leh hnam a vei hle a, sumdawngte kan harh chho zel a, kan hnam tan thil tam tak kan thawk tawh a, thu kan awih tawh hle bawk a ni. Sawrkar leh CYMA ten ILP an check a, ILP nei lo tam tak an man a, an thawnkir a, hei hi a lawmawm em em a, chutih rualin ILP hi khirh taka kalpui a nih loh chuan an thawn kirte pawh an lo kir leh deuh vek ang tih a rinawm hial a; chuvangin, ILP hi khirh leh zuala kalpui kan mamawhin a tul tak zet zet a, ram leh hnam tan i bei zel ang u,” a ti.

Kalkhawm hi hmun 2 ah inthenin dawr 20 vel tlawh chhuakin ngenna lehkha pek nghal zel a ni a, karleh lamah chhunzawm leh an tum.