Aizawl : Supply Minister K.Lalrinliana chuan nimin khan Mizoram chhunga Aizawl regional branch 65-na ni turin SBI Kawnpui branch hawnna hun a hmang a, Dr.H.Lalthlangliana, Deputy Commissioner, Kolasib chu Khual zahawm a ni.
Minister hian PHED SDO Office sakna hmun turte, Green Hills High School (adhoc aided) building thawm that ngaite leh Public Health Centre, Kawnpui a tlawh bawk a, damloten damdawi an mamawh ang an lam zung zung theihna tur ruahmannate, x-ray khawl thar an mamawh thute, Dental Surgeon mamawh a nih thute, Medical Officer leh staff quarter sak that ngaite leh compound hung that dan tur chung-changte sawiho a ni.