ZALEN August 8, 2025 : Ni thum chhung NH 306/06-a lirthei eng chi mah kaltlang phal lova kawng an dan hnuah nizan atanga khan Lirthei tangkhang te chhuah leh tan a ni a, tukin zing dar 8:00 thleng khan lirthei 281 chhuah an ni.

Kawnpui atanga Aizawl lam pan bungraw phur lirthei 198 chhuah an ni a, an zingah hian Gas phur 5, Tank Lorry 48 (MS-25, HSD-06, Mix-17) an tel a, Mualkhang/Khamrang atanga Kolasib/Assam pan 83 chhuah an ni bawk.

Aizawl lam pan lirthei tang khang hi Kawnpui area, Darnam peng thlang leh Sairang peng inkarah 26 (12 wheels - 1, 14 wheels-3 leh 16 wheels-9) an ni a, Kolasib area, Sethawn leh Thingdawl inkarah 158 an tang a, heng zinga 101 te chu ke 12 nei leh a chunglam te an ni. Vairengte-ah 27 leh Bairabi leh lirthei 21 an la tang bawk a, lirthei tang zat hi 232 a ni.