ZALEN March 14, 2025 : Nimin khan Gauhati High Court, Aizawl Bench Conference Hall-ah Environment ven leh humhalhna Dan, Sik leh sa inthlak chungchang leh nakin hun thlenga nghawng tha lo nei lo tura tihdan phung tha inzirtirna, Mizoram State Legal Services Authority buatsaih 'Public Education on Environment Protection & Conservation Laws, Climate Change and Sustainable Practices' tih kharna hun hman a ni a. He hun hi Justice Sudhanshu Dhullia, Judge, Supreme Court of India leh Justice Ujjal Bhuyan, Judge, Supreme Court of India-te chuan khualtha niin an hmanpui.

Justice Sudhanshu Dhulia, Supreme Court Judge chuan thu sawiin Environment humhalh pawimawh zia a sawi a, kum 1970 a Chipko Movement thleng ang khan, mi tinin Environment humhalh kawng a hma kan lak a tul thu a sawi a. Chipko Movement hi thing kih leh ram tih chereu dodalna movement a ni a, Chipko tih tawngkam hi Hindi tawng niin a awmzia chu ‘pawm’ ‘vuan tlat’ tihna a ni a, he movement a thing kih dodaltu ten thing an pawm tlat ang khan ram ti chereu zawnga chetna kan dodal theuh chuan he campaign hi a hlawhtlin tur thu a sawi a ni.

Justice Ujjal Bhuyan, Supreme Court Judge chuan ‘hmasawnna kan duh luat avangin Environment kan tawrhtir tur a ni lo’ a ti a, Article 51 (A) of the Constitution of India pawimawhna leh khua leh tui te Environment humhalh chungchanga kan mawhphurhna theuh hre thar leh turin kalkhawmte a chah a ni.

He hun hi Michael Zothankhuma, Judge, Gauhati High Court leh Justice N. Unni Krishnan Nair, Judge Gauhati High Court ten an hmanpui bawk a, heng bak ah hian State official thenkhat Chief Secretary Govt. of Mizoram, Director General of Police, Principal Chief Conservator of Forest, Law and Judicial Department, Judicial Officers, District Legal Services Authority Secretary te, Mizoram BAR Association Executive Member leh Office Bearers te leh Government Mizoram Law College Faculty ten an hmanpui bawk a ni.

He hunah hian kumin February thla atanga lo neih tawh District tin a Environment humhalh lam hawi drawing leh essay ziah inelna a lawmman dawngtu te hnenah lawmman hlan a ni a, Middle School, High School leh College Level a inelna a ti tha te hnenah lawmman sem nghal a ni a, pakhatna hian Rs.10,000, pahnihna in Rs.7,500 leh pathumna in Rs.5,000/- theuh an dawng a, citation pawh hlan tel vek an ni.

Middle School Level Drawing Competition-a lawmman dawngtute chu

Pakhatna – B.Zonunmawii, Springdale Academy, Champhai

Pahnihna – Vanlalhlimpuii, Little Flower, Serchhip

Pathumna – Lalthlamuanpuii, Adventist English School, Lunglei

High School Level Drawing Competition-a lawmman dawngtute chu a hnuaia mite hi an ni.

Pakhatna – Zodinpuii, JM High School, Serchhip

Pahnihna  – Amy H.Zothanpuii, Govt. High School, Lunglei

Pathumna  – Grace Lalmuanpuii, Pinehill High School, Champhai

College Level Essay Competition buatsaih a lawmman dawngtu te chu;

Pakhatna – Vanlalzawni, Government Serchhip College

Pahnihna  – 1) Ramnunmawii, Government Lunglei College,

2) Sarah Malsawmzuali, Pachhunga University College

Pathumna  – 1) Evelyn Lalduhzuali, Government Serchhip College

2) HC Vanlallawmzuali, Government Lawngtlai College

3) Esther Lalmawipuii, Pachhunga University College

Campaign neih chhunga District Legal Services Authority hma la tha ber hnenah lawmman pek a ni bawk a, Lunglei DLSA hnenah lawmman hi hlan a ni.

Supreme Court Judge te hian vawiin khan TNT an tlawh bawk a, State Legal Services Authority buatsaih ‘Sensitization on Legal Services to the victims of Drug Abuse and Eradication of Drug Menace’ programme an hmanpui a, TNT hnenah hian Judge te hian thilpek an pe bawk a ni.

March 15 chawhma hian Supreme Court Judge pahnih te hian District Court, Aizawl an tlawh leh ang a, chawhnu ah Aizawl an chhuahsan ang.