April 26, 2023; Mizoram police chuan tang tlanchhuakte manna kawnga police puitu, pawl leh mimal te chu lawmman tha tak bakah chawimawina certificate pek an an tiam.

Thuchhuah an siam a an tarlan danin, 19.4.2023, zing dar 1:30 - 2:15 inkara Lunglei District Jail atanga Jail tang mi panga (5) an tlanchhuah chungchangah Lunglei PS Case No. 83/23 Dt. 19/04/2023 u/s 224/120B IPC ziah luh a ni a. Heng tang tlanchhuakte hi beihpui thlakin ram pumah ngawrh taka zawn chhunzawm an ni.

Mizoram police chuan theih tawp a chhuah a, district police hrang
hrang te leh mipuite thawhpuina zarah mi panga (5) tlanchhuak atangin 
mi pathum (3) man tawh an ni a, Lunglei District Jail-ah thawn let an ni tawh. 

Mizoram police chuan tang tlanchhuak manna kawnga mipuite puihna leh thawhpuina avangin lawmthu a sawi a, heng tang tlanchhuak la man lohte manna kawngah pawh thawhpui zel turin mipuite a sawm a.

Pawl leh mimal, heng tang tlanchhuakte manna kawnga police puitute chu lawmman tha tak bakah chawimawina certificate pek an tiam bawk. 

Tang tlanchhuak zawn mek mi pahnih te: 
1. Vanneihthang (38) s/o Hrangtawna, Leisen Myanmar. Heroin vanga Lunglei Excise Case No. 62/23 u/s 21(c) ND&PS Act-a man a ni a, a chungthu rel hmabak mek a ni.

2. Haudeihchin (25) s/o Tualngaihthang, Tlangnuam Champhai. Heroin
vanga Lunglei PS Case No. 162/22 Dt. 09/11/2022 u/s 21(c) ND&PS Act r/w 78 JJ Act-a man a ni a, a chungthu rel hmabak mek a ni.