January 4, 2022; Tukin dar 2:30 bawr vel khan Bilkhawthlir ah tanker MZ 01 C 4265 a phurh Myanmar Kuhva ro bag 150 man a ni a, chungte chu vawiin chhun khan hal vek a ni.

Bilkhawthlir atanga ZALEN thudawn danin, Bilkhawthlir Kuhva Chingtu Pawl te chu chhun zan zawmin Myanmar Kuhva ro in an khua a paltlang tur vengin an la duty chhunzawm zel a, tukin dar 2:30 bawr vel khan oil phurhna tanker pakhat, Kalayn lam mi nia hriat khalh chu an lo endik a, Kuhva ro bag 150 an man a ni.

Tanker khalhtu hi police kutah hlan nghal niin, Kuhva ro te erawh vawiin chhun khan hal a ni a, tanker bang erawh Kuhva lakchhuah awlsam zawkna turin thiah then a ni.

Thudawn danin, Kuhva ro manna tanker ah hian number plate dang, Tripura registration plate pawh man tel a ni bawk.