Taxation Department-in target Rs. 1,20,66,00,000-a an khumna lawm
![](/storage/news/post/wESFv9fWkTCmE9oDYZQDA9A4iGLbPP8HdUTqyzk3.jpg)
Aizawl April 28, 2023: Vawiin khan Taxation Department chuan an Department Auditorium-ah kum 2022-2023 chhunga Sawrkar-in target a bituk Crore 120.66-a an khum chu a lawmna hun an hmang. He hunah hian Chief Minister Zoramthanga chu khuallian a ni a, Home, Taxation etc. changtu Minister Lalchamliana chu khualzahawm a ni.
Taxation Department hi Mizoram Sawrkar tana revenue chhung luttu lian ber a ni a. Department hian GST, VAT leh Proffessional Tax atangin chhiah a lakhawm thin a ni. Financial Year 2022-2023 chhunga tax revenue a hmuh hi Rs. 1020.66 Crores a ni a. Revised Estimate ah Rs. 900 Crores hmu tura beisei an nih laiin R.E. target hi Rs. 120.66 Crores in an khum a. State's Own Tax Revenue (SOTR) target Rs. 917.79 Crores pawh Rs. 102.87 Crores in an khum a ni.
State's Own Tax Revenue (SOTR) mai bakah Taxation Department hian Central atanga thla tina Devolution of Taxes and Duties Mizoramin a hmuhah hian contribution sang tak a nei a. GST hman a nih hnu hian tax revenue hi Central GST leh State GST ah inzahsem a ni a. Taxation Department hnuaia GST registration neite hian chhiah an pekin CGST leh SGST hi 50-50 basis in an pe a. Hetah hian SGST bik hi chu Mizoram State Sawrkar sum bawmah a lut nghal a. CGST erawh hi chu Central Sawrkar sum bawmah Central Taxes leh Duties dangte nen a lut khawm a. Heta tang hian a chunga kan sawi Tax Devolution hi Mizoram Sawrkar-in a lo hmu let ve leh thin a ni.
Taxation Principal Secretary Vanlal Chhuanga chuan Taxation department hnathawh that chungchangah lawmthu a sawi a, hmasawn zel erawh a pawimawh thu a sawi. 15th Finance Commission in revenue deficit grant state in a dawn thin chu kum tin a tihhniam zel thu sawiin, heihi sawrkar laipuiin state te sum thawkchhuak tam ve tura a duh vang a ni a ti a. Revenue receipt atan taxation tluka innghahna lian a awmlo tiin taxation department thawktute chu theihtawp chhuah zel turin a chah a ni.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024