DOWNLOAD OUR APP

Read latest news on your phone
app-store

Taylor Hawkins tribute concert buatsaih dawn

Jun 09, 2022

American rock band Foo Fighters chuan an bandmate Taylor Hawkins pualin tribute concert an buatsaih dawn tih an puang. Taylor Hawkins tribute concert hi September-ah neih a ni dawn a, UK leh US-ahte neih a ni ang. Hawkins hi kumin March thla khan Colombia-a an thlenna hotel room-ah thia hmuh a ni a, a thih hian kum 50 mi chauh a la ni.

American rock band Foo Fighters chuan an bandmate Taylor Hawkins pualin tribute concert an buatsaih dawn tih an puang. Taylor Hawkins tribute concert hi September-ah neih a ni dawn a, UK leh US-ahte neih a ni ang. Hawkins hi kumin March thla khan Colombia-a an thlenna hotel room-ah thia hmuh a ni a, a thih hian kum 50 mi chauh a la ni.

Foo Fighters hi Colombia-a festival pakhatah perform tur an ni a, mahse a hun a thlen hma deuh lawkin Taylor Hawkins hi hotel room-ah thia hmuh a ni. Hei vang hian an programme pawh an thulh zui a, an drummer thihna hian a thawng hle. Tunah chuan a puala hun hnuhnung buatsaih bak tih theih an nei ta lo - Taylor Hawkins ngainatute tan a hlu zual ngei ang.  

Foo Fighters hian September 3 khian Wembley Stadium, London-ah concert hmasa zawk an nei ang a, September 27-ah Kia Forum, Los Angeles-ah an nei zui leh ang. Hei hi Taylor Hawkins boral hnua band anga an chet chhuahna hmasa ber tur a ni dawn a, 1997 atanga an drummer lo ni tawh tel loa perform hi an chak lutuk bik kher lo ang.

Taylor Hawkins thih chhan hi puanzar ni lo mah se, a thisen zungzamah - opioid, marijuana leh anti-depressant te hmuh a nih avangin O.D ah mi tam tak chuan an ngai a ni. A puala concert buatsaih tur hi a chhungte leh a bandmate - Dave Grohl, Nate Mendel, Chris Shiflett, Pat Smear leh Rami Jaffee ten an buatsaih a ni. 

Share now