Inrinni tuk khan Telangana-a Mancherial district-ah kangmei nasa tak chhuakin mi paruk an thi a, an zinga pahnih chu naupang an ni tih police-in an sawi.

Police chuan chhiatna hi Venkatapur khuaa thleng a nih thu an sawi.

Thi zingah hian tun Padma leh a pasal bakah tun hnai maia an mikhualte pawh an tel tih an thenawm khawvengte chuan police an hrilh.

“Padma leh a pasal hi inah hian an cheng a. Ni hnih liam ta khan an chhungte, Monika leh a fate pahnih leh an chhung pakhat an mikhual a. An paruk hian an kang hlum ta vek a ni,” tiin B. Thirupathi Reddy, ACP Mancherial chuan a sawi.

“In hi zing dar 12-12.30 inkar vela kang a ni a, an thenawmten an han hriat meuh chuan chhan theih tawp a lo ni tawh lo va, police min rawn hrilh ta vat a ni,” tiin Reddy chuan a sawi.