Aizawl: Lok Sabha inthlana Congress leh ZPM te tang dunin Member of Parliament (MP) atana an vawrchhuah Lalnghinglova Hmar (Tetea Hmar) chuan nimin khan Aizawl DC, Vanlalngaihsaka hnenah inthlanpuia candidate ni turin nomination a file.
Nomination a file zawh hnua chanchinbumite a hmachhawnnaah Lalnghinglova Hmar chuan tun tum MP inthlan tur chungchangah BJP leh BJP lo zawng inbeihna tur a nih thu a sawi a, CAB ‘16 duh lovin a tihtlang tum BJP thawhpui vote tlat hi thil nihphung nia a hriat loh thu a sawi bawk.
MP inthlanah a tling a nih chuan CAB piah lamah Look East Policy conectivity leh kuthnathawktute hmasawnna tur ngaihtuah chu a ngaih pawimawh hmasak tur a nih thu a sawi.
Mizoram leh kan thenawm state bakah ram pawn thlenga sumdawnna kawng tha tak tur, kan state pawhin nasa taka hma a sawnna tur Look East Policy hmalakna chu zirchiana bawhzui a tum tih a sawi.