Tun lai film siamtute harsatna tawh lian ber chu an film leakout thin hi a ni awm e - tun hnaia tlangzarh THAIBAWIH pawh a leakout niin thawm a awm mek. 

Thaibawih film hi August 11, Zirtawpni zan khan Vanapa Hall-ah tlangzarh a ni a, hall-a leng lo khwp mipui an pung khawm. Hetiang khawpa mipuiin an ngaihhlut mek lai hian Pathianni zan khan Thaibawih video a putru tih thawm a awm a, a a pawi tak zet. 

Film siamtu ten tha leh zung sum leh pai ngaihtuahna tam tak senga an siam, a lo thlawna luanral tir duhtute hi hrem lohin an chhuak leh mai dawn em ni? Film siamtute hian a tawp rak thlengin bei let ngam se la, dan bawh chhia hrem ngai an awm a nih chuan an chungah zahngaihna lantir tawh suh se.  

Hremna dan a awm reng em?
Tun hnai khan Parliament thutkhawmah Cinematograph Act, 1952 siamthatna, Cinematograph (Amendment) Bill, 2023 chu pawm a ni ta a, dan bawhchhetute lakah hremna na zawk lekkawh theih a ni tawh. Mi film siam record emaw chhuah ruksak thinte chu he dan hmang hian hremna pek theih an ni a, thla 3 atanga kum 3 thleng lungin tan tir theih an nih bakah, Rs. 3 lakhs thlenga chawi tir theih an ni!

Film leak-out vangin film siamtu ten harsatna nasa tak an tawk mek a, Mizo film industry-in a tawrh zel loh nan a huho pawha hmalak a hun tawh khawp mai - inngaihdam hun a ni tawh lo.