Tun hnaia Mizo film chhuak thar hit zet mai 'Thaibawih' ti leakout-tu chu hriat chhuah ni tawh mah se, tun thlengin man a la ni lo tih ZALEN chuan a finfiah - an hmalakna ngaihchan mek zel a ni. 

'Thaibawih' hi August 11, 2023 zan khan Vanapa Hall-ah tlangzarh a ni a, a tuk leh lawkah a leakout nghal a nih kha. Film siamtute hian an senso pawh an hmuh let hman a rihawm loh a, an lainawt awm tak zet. Min hah taka an siam a ruka lo thehdarhtu hian a thil tih pawizia hi a hriat chhuah ve ngei a tul a, hremna a hmu ngei tur a ni. 

Pawi khawihtu hi chhui mek zel a la ni a, hriat chhuah tawh ni mah se man erawh a la ni lo! A tirah man nghal a nih thu a darh a, lo thawn darhtute pawh mi eng emaw zat man niin sawi awm mah se hei hi thudik lo a ni. 

Tun hnai thleng khan YouTube-ah pawh upload an la awm a, pawi khawihtute hi hrem an nih loh chuan an huangtau zel ang tih a hlauhawm khawp mai.