Aizawl : Aizawl to Lunglei road leimin avanga kawng kal tlang thei loh chu nimin thleng khan thenfai a la ni lo a, lirthei engmah tlan tlangtir an la ni lo.

He hmuna thutchilh ve rengtu Bawngkawn Local Council chairman K. Lalmuankima (MK-a) chuan, “Kawngpui hi thenfai ni mah se, lirthei hi kal tir mai chi pawh a la ni lo mai thei a, chhak lama tla mai thei khawlin a ban phak si loh lung lian tang lurh a la awm avangin Thawhlehni pawh hian a tlang kan la ring lo,” a ti.

Leimin avang hian Bawngkawn atanga Helipad panna kawng pawh khar a ni a, mihring bak kal phal a ni lo, lei minna zawnah phei chuan kawng chanve-ah hrui an thlung bawk. “Leiminna hmun hi zan lamah chuan a chhak ko hi tla thei reng a nih avangin thawh ngam a ni lo,” tiin MK-a chuan a sawi bawk.