Aizawl : India rama medical Doctor insuihkhawm pawl lian ber, India Medical Association (IMA) ten an rawt angin Thawhtanni, May 17, 2019 hian India ram pumah nawrh an huaihawt dawn a, zing dar 6 atanga tlai dar 6 thleng sorkar leh private damdawiin-ah "pen Down Strike" an nei dawn a, damlo an en dawn lo.

NRS Medical College & Hospital, Kolkata a doctor duty te thih ngama kutthlak an nih avangin West Bengal chhunga doctor te chu venhimna tha zawk ngiatin hun engmaw ti atang khan an lo nuar tawh a, hemi hnua Delhi lam chuan thlawpin an nuar ve zui a, Indian Medical Association (IMA) te chuan he nawrhna hi rampuma kalpui tul nia an hriat avangin naktuk hian ram pumah nawrh hi an huaihawt ta a ni.

IMA ruahmanna ang chuan all India strike hi darkar 24 chhung atan an rel a, amaherawhchu, IMA Mizoram State Branch hi chuan darkar 12 chiah a kalpui dawn a, Zing dar 6:00 atanga tlai dar 6:00 thleng Mizoram chhunga Hospital zawng zawng (Govt leh Private) leh private clinic zawng zawngah medical doctor ten damlo kan en dawn lova, emergency / casualty service erawh a nghawng lo vang.