Tiak
UPC (NEI), Aizawl East District PYD hnuaia Inkhawmpui lian vawi 25-na, Silver Jubilee Champhai Bethel hmuna February 14 zana tan chu Pathianni zan khan a tiak a, inkhawmpui hian General PYD hmalakna atan Maternity Hospital din ni se tiin an rel.

Zu khap
Excise & Narcotics Minister Dr K Beichhua chuan Thawhtanni khan Hnam Run-ah thu sawiin, "Assembly Session neih hmasak berah zu khap burna dan legislate tum a ni," a ti.

Thukhawm
Mizote kutpui Chapchar Kut hman dan tur rel in Chapchar Kut Organizing Committee chu Thawhtanni khan an chairman Chief Minister Zoramthanga hovin CMO Conference Hall-ah an thukhawm.

Sawiho
Thawhtanni khan Chief Minister Zoramthanga chuan a pisa ah Aizawl Municipal Corporation a ruling councillor te a kawm a, Aizawl khawpuia hmasawnna hna thawh mekte leh thawh tur la awm te an sawiho.

Bial fang

Thawhtanni khan Aizawl East-II bialtu leh Minister ni bawk Robert Romawia Royte chuan a vawi khatna atan a bial chhung Veng hrang hrang Saron Veng, Tuithiang Veng, Armed Veng, Chite Veng, Armed Veng leh Armed veng South te a fang.

Thukhawm
Thawhtanni khan DC Conference Hall, Mamit-ah District Development Coordination Committee (DISHA) Meeting chu an chairman CL Ruala, MP Lok Sabha hovin an thukhawm.

Inkawm
Thawhtanni zan khan chief minister Zoramthanga leh Japan International Cooperation Agency (JICA) atanga Mizorama JICA project kalpui mek endik tura Tokyo, Japan atanga lo kalte an inkawm.

Thlirho
Kolasib District Development Coordination Committee chu Thawhlehni khan DC conference hall-ah an chairman CL Ruala, Lok Sabha MP leh co-chairman Ronald Sapa Tlau, Rajya Sabha MP-te hoin an thu a; sorkar laipui scheme hnuaia hnathawh hrang hrangte an thlirho.

Sawiho
Thawhlehni khan MNF MLA leh Aizawl Municipal Corporation (AMC)-a councillor-te an inkawm a, hmalak dan tur leh state sorkar leh AMC sorkar inthlun zawm that zual dan turte an sawiho.

Lawmpui
Mizoram Football Association chuan Thawhlehni khan Sports minister Robert Romawia Royte chu lawmpuina an hlan.

State day
Nilaini (20.2.2019) kha Mizoram in India danpui hnuaia State anga a inrelbawlna ni champha vawi 32-na a ni a. He ni pual hian Vanapa Hall-ah a lawmna inkhawm neih a niin Governor Kummanam Rajasekharan leh Chief Minister Zoramthanga ten an hmanpui.

Cultural day
Mizo Cultural Organisation (MCO) buatsaihin Nilaini khan Zarkawt Recreation Centre ah Cultural Day hman a ni a, Art & Culture Minister R.Lalzirliana chuan khuallian niin he hun hi a hmanpui.

Tlawh
Nilaini khan Tourism Minister Pu Robert Romawia Royte chuan Reiek Tlang leh a chhehvela Tourism Department hmalak mekte leh hmalak zelna tur hmunte a tlawh.

Inkawm
Nilaini chhun dar 12:00 khan MZP Pisapuiah MZP hruaitute leh Falam University Students' Fellowship hruaitu te an inkawm.

Thlang
Pachhunga University College chuan kum 2019 chhunga an khawchuam 'Adopted Village' atan Dulte khua chu an thlang a, Nilaini khan Lengteng bialtu MLA L.Thangmawia chuan a hawng.

Meeting
Sports Minister Robert Romawia Royte kaihhruaina hnuaiah Ningani khan Mizoram Sports Council (MSSC) General Body meeting chu MSSC Conference Hall, Hawla Indoor Stadium-ah neih a ni.

Sawipui
Ningani khan Mizoram Governor Kummanam Rajashekharan chuan Raj Bhavan-ah Indian Red Cross Society, Mizoram Branch din thar dan tur Health Minister Dr. R.Lalthangliana a sawipui.

Vartian
Govt.J.Thankima College chuan Management – Tech Meet, Vartian ’19 chu Ningani khan an College campus Bawngkawn Brigade-ah an buatsaih a, he hunah hian School Education Minister Lalchhandama Ralte chu khuallian a ni.