The Week That Was
Mi kut tuarin thi
Lalmuankima (16) s/o H. Lalnunthara, Tualpui khua, matric exam-a Khawzawla awm mek chu Pathianni khan mi kut tuarin a boral. Khawzawl Police te chuan Investigation an la nghal a, Lalmuankima khawihtu nia hriat mi 6 manin, kum 17 mi 2, kum 16 mi 2, kum 15 mi 1, kum 14 mi 1 te an ni a, fimkhur thilah Champhai ah phurh chhoh nghal an ni.
PS 15 siam
Thawhtanni khan Chief Electoral Officer Ashish Kundra chuan Press mite kawmin, "Election Commission of India thupek an hmuh angin Bru voters Transit Camp a awm te tan Kanhmunah polling station 15 siam a ni a, heng zinga polling station 9 hi Mamit District a vote nei ho tan ruahman a ni a, Kolasib leh Lunglei District a vote nei te tan polling station 3 ve ve ruahman a ni," a ti.
NLUP
Chief Minister Zoramthanga chuan Thawhtanni a session neih ah NLUP tanpuina dawng tur an account a pawisa lut tawhte chu lak sak an ni tawh lovang tih house a hrilh a, hetihlai hian NLUP dawng tur thlan tawh pawi-sa la dawng lo chhungkaw 2,794 an awm mek tih a sawi bawk.
puang
PRISM party chuan Thawhtanni khan Mizoram Lok Sabha inthlana an candidate atan TBC Lalvenchhunga a ni tih an puang.
ngen
MSU general hqrs. hruaitute chuan Thawhtanni khan Press mite kawmin dan loa khawdin Lunglei District a Tuichawngchhuah khua chu March thla chhung ngeia titawp turin Mizoram sorkar an ngen nawn tih an sawi a, March thla ral hma a sawrkar kutthlakna engmah an hmulo a nih chuan tha an tih angin an kalpui tawh dawn niin an sawi.
Bill pass
Assembly Budget Session neih mekah Thawhtanni khan House Financial Committee member thlan a ni a, dan siamna tur Bill thar 1 leh dan awmsa tihdanglamna tur Bill 4 sawihoa pass a ni bawk.
Campaign
Mizorama HIV/AIDS darh chak lutuk veia, a do kawnga theihtawp chhuah tura thalai intelkhawm United for a Purpose chuan Thawhtanni chawhnu dar 2 khan Hrangbana college-ah campaign bul an tan.
Budget
Finance Minister Zoramthanga chuan Thawhlehni khan Assembly House ah thla 4, April - July , 2019 chhunga Mizoram sorkar sum hman lailawk tur Vote on Account cheng Vbc 3588.85 a pharh a, kum 2019-20 chhunga state sorkar deh chhuah ve tur, State's Own Revenue chu kum kalta te aia sanga a pun theih an beisei tih House a hrilh.
Zirho
Thawhlehni khan Mizoram state Commission for Protection of Child Rights bultumin MJA member te tan naupang dikna chanvo humhalh leh a kaihnawih sawihona Aizawl Press club-ah neih a ni.
Hming pe
Thawhlehni khan MNF Party in Lok Sabha MP candidate tura an ruat C Lalrosanga chuan Aizawl DC Returning officer ni bawk Vanlalngaihsaka hnenah chuh turin a hming a pelut.
Inkawm
Chief Electoral Officer Ashish Kundra chuan Inthlan kan hmachhawn tur chungchangah Thawhlehni khan a pisa ah Mizorama recognised political party aiawhte a kawm.
SBI dang
Mizoram leh N.E. State thenkhata SBI leh Private Bank thenkhat ten Tax Deducted at Source (TDS) kalpui an tum avangin Nilaini khan Central YMA hmalakna in SBI hnathawkte dan a ni.
Bill pass
Ni 20.3.2019 a session-ah Mizorama zu khapna tur dan, The Mizoram Liquor (Prohibition) Bill, 2019 lungrual taka pass a ni a; April 1, 2019 atangin zu khap tan tum a ni. Zu khap a nih avang hian Mizoram sorkarin chhiah a hmuh tur cheng nuai 7,000 vel a hloh tura ngaih a ni.
CAB
Ni 20.3.2019 Assembly session-ah The Citizenship Amendment Bill (CAB), 2016 tharthawh leh duh lohna official resolution pass a ni.
PYD day
Ni 21.3.2019 kha North East India UPC kohhran thalai pawl Pentecostal Youth Department PYD Day vawi 50-na a ni a, India hmarchhak pum huapa hman a niin Mizoram ah chuan vantlang hmun tihfaina atan an hmang.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024