Tumkau ni
Ni 14.4.2019 (Pathianni) kha Jerusalem khawpuia Isua Krista lal anga a luh hriat rengna ‘Tumkau Ni’ a ni a, khawvel ram dangte rualin Mizoram pumah hman a ni. Tumkau Ni lawmna atan hian Sande sikul naupangte leh zirtirtute chuan tumkau kengin kawng an zawh a, 'Hosanna' ti a au rualin fakna hla an sa bawk a ni.

Hlan
Kristian Thalai Pawl, Chanmari Branch KTP chuan kum 60 tlinna Diamond Jubilee denchhenin Synod Hospital, Durtlang hnenah Pathianni khan naupang mit enna, Handheld Auto Refractometer leina tur Rs 3,50,000/- chu Synod Hospital Eye Department hnenah an hlan.

Health day
Thawhtanni kalta khan Department of Community Medicine huaihawtin World Health Day pualin MIMER, Falkawn-ah hun hman a ni a, H.Lalengmawia, Health Secretary, Government of Mizoram chu khuallian niin he hun hi a hman pui a ni.

thli tleh
Thawhtanni zing dar 9 vel khan Vairengte leh a chhehvel khua-a thlipui nasa tak a tleh a, in 41 a tih chhiat bakah Powewr line leh ban engemaw zat a chhe bawk.

Khua lum
Ni 15.4.2019 (Thawhtanni) khan Aizawl khawpui chu a lum lai berin celsius degree 34.2 a tling a, hei hi kum 20 chhunga a lum ber tum a ni.

Book of the year
Mizo Academy of Letters (MAL) chuan kum tina an tih thin angin kum 2018 chhunga Mizo tawnga lehkhabu chhuak zing a tha ber thlanna neih zawh takah Book of the Year 2018 atan Hringnun Hrualhrui tih lehkhabu Mafaa Hauhnar ziah chu a thlang.

Hlan
Hnahthial Group YMA chuan Thawhlehni khan Hnahthial mipuite thawhkhawm Rs. 12,000 chu Chief Ministers relief fund ah an hlan.

Kawm
Sports Minister Robert Romawia Royte chuan Thawhlehni khan Union Sports Secretary RS Julanaya,DoNER Secretary Inderjit Singh leh NCC Director, Lt General Rajeev Chopra te kawmin anmahni Ministry chan theuh atanga Mizoram tihhmasawn dan turte a sawipui.

Khawmpui
Mizo Hmeichhe Insuihkhawm Pawl (MHIP) khawmpui chu Thawhlehni khan Vanapa hall-ah neih a ni a, Dr. Elizabeth Saipari chu khuallian a ni. MHIP hian Nilaini khan hruaitu thar thlan an tum a, mahse engemaw fello a awm nia sawi a awm avangin Court chuan inthlang hrih lo turin a ti.

Meeting
Nilaini khan MPCC leh ZPM chuan Emergency Meeting neiin complaint an thehluh bawhzui that a nih loh avangin CEO hnenah Complaint theh luh leh nise an ti.

Hawng
Woodland Group hnuaiah Woodland School of Woodworking chu Nilaini khan Woodland Innovation Park Zonuam-ah Commerce & Industries Director J.Hmingthanmawia chuan a hawng.

Sava veh
Environment, Forests & Climate Change Department bultumin ASEP chuan Nilaini khan Lungleng ramah environment humhalhna kawnga member te intuaitharna leh kum tina hman thin 'One Day Sava Vehna' hun an hmang.

zu dahna en
Excise & Narcotics Minister Dr. K. Beichhua chuan Ningani khan Aizawl daia zu chhekkhawlna hmun ware house a en a, High Court thu anga Zu zawrh mek chu Election Model Court of Conduct zawh rual thla thar, May 27 ah tihtawp a ni dawn tih a sawi.

Titawp
Zarkawt Branch MHIP leh Dawrpui Branch MHIP chuan Ningani khan thuchhuah intawm siamin MHIP General Headquarters an zawmna chu an ti tawp tih an sawi.