Easter
Ni 21.4.2019 (Pathianni) kha Kristian te ni pawimawh Isua Krista thihna hneha a thawhlehna ni ‘Easter Sunday’ a ni a, zing khawvar hlimah Salvation Army corps hrang hranga thalai band party 27-te chuan “A tho ta” tih hla rimawi-a remin Aizawl khawpui veng hrang hrang leh khaw thenkhatah Lal Isua khenbeh a nih hnu-a ropui taka a thawhlehna hi hla-in an puang.

Meeting
Thawhtanni khan Chief Minister's Cabinet Meeting room-ah Council of Ministers an thukhawm a, sawrkar department hrang hrang 10 atanga agenda lutte an ngaihtuah.

Inrem
Myanmar atanga Mizorama bungraw rawn lut, Zokhawthar atanga phurh chhuah chungchanga inrem lohna awm chungchangah Thawhlehni khan Champhai Circuit House-ah Home additional secretary Lalbiakzama kaihhruaiin Champhai District Trade Union (CDTU) leh Zokhawthar Welfare Committee (ZWC) hruaitute an inbia a, inremna an siam.

Day hmang
Mizo Academy of Letters (MAL) chuan Thawhlehni khan Economics & Statistics directorate conference hall-ah an dincham hmangin Book of the Year 2018 atana an thlan 'Hringnun hrualhrui' tih ziaktu H Lalrinfela (Mafaa) hnenah lawmman an hlan. Lawmman hlanna inkhawma khuallian, Mizoram Journalists' Association (MJA) president Zonunsanga Khiangte chuan, Mizo ?awng chu India danpuia 8th. Schedule-ah telh ve ngei a ?ul thu a sawi.

Training
Health & Family Welfare department, National Health Mission leh Economics & Statistics department-a Registration of Births & Deaths-te chuan Thawhlehni khan Health directorate conference hall-ah Health department hnuaia medical officer-te tan training an buatsaih.

AR ram en
Chief Minister Zoramthanga hovin Thawhlehni khan Zokhawsang a Assam Rifles hmun chu enfiahin Joint Inspection neih a ni. Home Minister Lalchamliana, Agriculture Minister C. Lalrinsanga, I&PR Minister Lalruatkima te bakah Home, PWD, P&ED leh department dang atanga hotutlu te an tel.

Thukhawm
Nilaini khan Chief Minister Zoramthanga kaihhruaiin Parking House Committee for PAHOSS (Parking House Support Scheme) chu CM Cabinet Meeting Room ah thukhawmin hnathawh thlirhona leh hmalak zel dan tur an sawi ho.

MJA Conf.
Nilaini khan I&PR Conference hall, Mamit ah Mizoram Journalists' Association khawmpui vawi 46-na neih a ni a, Mamit DC Dr. Lalrozama khuallian a ni.

Festival
Salvation Army chuan Nilai zan khan Dawrpui Multipurpose Centre-ah India hmarchhak biala Home hrang hrang an enkawlte intawhkhawmna hun 'Social Festival Embrace 2019' an buatsaihah a, Chief Minister Zoramthanga chuan a hmanpui.

Minister hmu
Ningani khan MZP hruiatute chuan School Education Minister Lalchhandama Ralte chu a Pisa ah an kawm a, school fee a bikin private school a tam lutuk chungchang te, zirtirtu transfer chungchang te, CADC area chhunga Mizo khua ten school chungchanga harsatna an tawh chungchang te leh Zirtirtu nghet lo (Muster roll)-a zirtirtu 946 Sorkarin lak thar a tum chungchang te an sawipui.

Khawmpui
Ningani kalta khan Mizoram Upa Pawl chuan Vanapa hall ah khawmpui an hmang a, kum 2019-21 chhunga an pawl hruaitu tur an thlang nghal.

Thukhawm
Ningani khan Coordination Committee on Traffic Management chu an chairman Home Minister Lalchamliana hovin an thukhawm.