Bandh rel
NGO Co-Ordination Commitee chu Thawhtanni khan Central YMA Office-ah an thukhawm a, Tuikuk te tana special polling booth siam duh loh entirnan April ni 8,2019 atangin total bandh neih an rel.

Sawn
Civil Aviation thuneitu ten Thawhlehni atanga Kolkata leh Lengpui inkara Air India additional flight thlawh tan tir an tum chu kar khatin an sawn hla a, April ni 9 atanga tan zawk turin an ti.

Sikul tan
Kum 2019-2020 session atan Thawhlehni atang khan school hawn tan leh a ni a, sikul tan hun hi a hma aiin tih tlai a niin zing dar 9 ah tan a ni ang.

Bang
ICFAI University Mizoram Vice Chancellor Lt. Gen (Dr) Anil Kumar chuan Students Joint Action Committee (SAC), ICFAI University Mizoram in nawrh an huaihawtna kal zelah Thawhtanni khan a mawhphurhna angah ngaiin banna a theh lut.

Conf. hun
Thawhtanni a MJA Executive Meeting chuan kumin MJA General Conference hun atan ni 24.4.2019 (Nilaini) a ruat a, a hmun atan Mamit a ni ang.

ngen
Chief Electoral Officer (CEO) Ashish Kundra chuan Thawhlehni khan Press mite kawmin NGO Coordination Committee in an thilphut ngiat nana total bandh neih an tum chu thulh turin a ngen.

Sava bu
Association for Environmental Preservation (ASEP) Gen. Hqrs, Aizawl chuan EF&CC Deptt. sponsor-in Thawhlehni khan Hangi Lunglen tlangah Artificial Nest Box installation programme an hmang.

Dang
Mizoram Hindi Training College Adhoc Trainees Union chuan an lungawi lohna lantirin Nilaini khan Mizoram Hindi Training College Principal Dr.Louise Hauhnar Office kai tur chu Durtlang-ah an dang.

Meeting
Nilaini khan Secretariat Conference Hall-ah State Level Bankers Committee (SLBC) Mizoram Meeting neih a ni a, Mizoram bank te credit deposit chawhrual (CD ratio) chu 40.44% a ni.

Ral
Nilaini kalta khan MJA General Headquarters chuan an Vice President R. Lalhmangaihzuala, March 15, 2019 a chatuan ram pan ta chu Bawngkawn a an chenna inah an ral.

Thulh
Nilai zana NGO Coordination Committee meeting chuan Tripura Transit Campa Tuikuk te E roll-a an awmna hmun chauha vote thlak tura nawrna atana Election boycot leh Total bandh neih an tum chu an thulh.

Harhna thlen ni
Ningani (4.4.2019) kha Mizoram a Thlarau Thianghlim Harhna lo thlen ni champha vawi 113-na a ni a, Presbyterian Kohhran hrang hrangte chuan mahni remchan dan anga hmangin, a tam zawk chuan zan lamah an hmang.
Mipui ngen
Mizoram People Forum chuan Ningani khan Press mite kawmin MP leh MLA by election loawm turah inthlanna felfai leh thianghlim a awm theihna mipuite tawiawmna an ngen.

Enfiah
Mizoram Chief Electoral Officer (CEO) Ashish Kundra, IAS chuan Ningani khan Lunglei leh Lawngtlai a tlawh a, inthlan atana inbuatsaihna leh an dinhmun a enfiah.

Meeting
Ningani khan MPYCC & ZPM Hqrs. Thalai Joint Meeting, Thara Resort Falkland-ah an nei a, pawl pahnih thalai hruaitu ten thu an sawi.

Ngen
Mizoram People Forum chuan Ningani khan Press mite kawmin MP leh MLA by election loawm turah inthlanna felfai leh thianghlim a awm theihna mipuite tawiawmna an ngen tih an sawi.