The Week That Was (March 10, 2019)
Ntl.day
Thawhtanni khan Mizo Hnam Run-ah Mizo National Day hman a ni a, he huna thu sawitu MNF President leh Chief Minister ni bawk Zoramthanga chuan, "Mizo Nationalist movement hi ral ngei ngeina tura ngaihah vawi tam tak a damchhuak tawh a. Pathian rawngbawl tum tlattu kan nih avang chauha dam khawchhuak kan ni," a ti.
Hearing day
March ni 4 (Thawhtanni) kha khawvel puma ri hriatna atana beng hriselna chungchang inzirtirna ni, World Hearing Day a ni a. He hun hi Mizoramah chuan National Programme for Prevention and Control of Deafness (NPPCD) hmalaknain district thenkhatah te hman a ni.
Sele vuiliam
Thawhtanni khan Lungzarhtum khawtlang chuan March ni 1-a Sele thi chu kuang siamsakin kawng an zawhpui a, ropui takin Lungzarhtum thlanmualah an vui liam.
Session
Thawhtanni khan Speaker lalrinliana Sailo hovin BAC an thukhawm a, Assembly session chu March ni 12-20 inkar chhung neih nise an ti a, tun tum session-ah hian budget puitling pharh a ni dawn lova, sorkar sum hman lailawk tur Interim Budget pharh tum a ni.
Workshop nei
Mizoram Science, Technology & Innovation Council (MISTIC) hnuaia Mizoram State Climate Change Cell te buatsaihin Thawhtanni khan Secretariat Conference Hall, New Capital Complex ah Workshop on Assessment Of Vulnerability Due To Climate Change In Indian Himalayan Region With Respect To Mizoram neih a ni.
Zoram ni
Mizo Zirlai Pawl (MZP) buatsaihin Thawhlehni khan kum 1966, March ni 5-a India sawrkar in Aizawl a bomb hriatrengna hun Zoram Ni chu Dawrpui Mutlipurpose Centre-ah hman ani a, Lalchamliana, Home Minister chu khuallian niin he hun hi a hmanpui a ni.
VP ah lalut
Thawhlehni khan School Education Minister Lalchhandama Ralte leh Sports Minister Robert Romawia Royte chu Mizoram Bharat Scouts & Guides Vice President atan lakluh an ni.
Credit camp
Mizoram State Rural Livelihoods Mission (MzSRLM) leh Mizoram Rural Bank tangkawp chuan Thawhlehni khan a vawikhat nan State Level Credit Camp chu Chanmari YMA Hall-ah an buatsaih a, Rural Development Minister Pu Lalruat-kima chu khuallian a ni.
Minister in en
FCS&CA Mminister K.Lalrinliana chuan Thawhlehni khan Bairabi Rail Junction bula tuialhthei dah khawlna tur hmun ruahman chu Official te nen an en.
PMSYM hawng
Pension scheme chi khat Pradhan Mantri Shram Yogi Maan-dhan (PM-SYM) chu ramdangte rualin Thawhlehni khan MYC Conference Hall, Khatla-ah hawn a ni a, LESD&ED Commissioner & Secretary Zothankhuma chu khuallian a ni.
Boycott
Mizoram Hindi Training College zirlaite chuan an Princial laka lungawilohna lantirin Nilaini khan exam an boycott.
Hawng
Nilaini khan Assembly Conference Hall, Aizawl ah Society for Climate Resilient Agriculture in Mizoram (SCRAM) buatsaih in ‘Fostering Climate Resilient Upland Farming System In The North East (FOCUS)’ Project chu Agriculture Minister C Lalrinsanga chuan a hawng.
Inkawm
Chief Minister Zoramthanga leh India rama Japan palai Kenji Hiramatsu chu Ningani khan CM Bungalow ah inkawmin Mizoram leh Japan thawhhona hna thawh mek leh thawhho zel dan tur te an sawi dun.
Lalut
Ningani khan Mizoram Governor Kummanam Rajashekharan chuan Dr. C. Lalzirliana chu State Information Commissioner thar atan a lalut.
chibai buk
Ningani khan Circular Lawn, Raj Bhavan-ah Pulwama Martar-te zahna lantir nan Fallen Soldier Battle Cross siam a ni a, Mizoram Governor Kummanam Rajasekharan chuan Pulwama Martar-te zahna lantirin pangpar a dah hnuah zahna chibai a buk.
Khawmpui
Ningani khan Agriculture Conference Hall-ah All Mizoram DRDA Employees Association (AMDEA) chuan 3rd General Body Meeting an nei a, Rural Development Minister Lalruatkima chu khuallian a ni.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024