CAMPAIGN KHAR
Deputy Chief Minister Tawnluia chuan June 20, 2022 khan 23 Sector Assam Rifles ten an buatsaih Ruihhlo Dona atana campaign ‘Anti Drugs Awareness Campaign’ chu Loch Hall, Assam Rifles hmunpui Lammual-ah a khar.

EXECUTIVE MEETING
June 20, 2022 khan Sports & Youth Services Conference hall ah Mizoram Bharat Scouts & Guides Executive meeting neih niin, State Commissioner leh Asst. State Commissioner thar lakluhna hun neih a ni.

MJWS thukhawm
Mizoram Journalist Welfare Society Governing Board chu HM Hualsangi, I&PR Secretary, MJWS Governing Board Chairman ni bawk hovin June 20, 2022 khan an thukhawm a. Mizoram Journalist Welfare Scheme (MJWS) hnuaia tanpui dilna lut te thlir hovin mi 14 hnenah damdawia inenkawlna senso tanpuina tur tihfel a ni.

Yoga Day 2022
Governor Hari Babu Kambhampati leh Lady Governor Jayasree Kambhampati hovin June 21, 2022 zing  khan Auditorium, Raj Bhavan-ah International Yoga Day 2022 chu Yoga insawizawina tuipuitu ten an hmang.

MPSC Chairman thar
June 21, 2022 khan Durbar Hall, Raj Bhavan-ah Governor Hari Babu Kambhampati chuan JC Ramthanga, IAS Retired chu Chairman, Mizoram Public Service Commission (MPSC) atan rinawmna thu tiam tirin a lalut.

SDMA THUKHAWM
State Disaster Management Authority (SDMA) chu an chairman Chief Minister Zoramthanga hovin June 21, 2022 chawhnu khan CM Conference Hall-ah thu pawimawh ngaihtuahin an thukhawm

North East Connect
The Economic Times Business Verticals bustsaih North East Connect, June ni 22-23, 2022 chhunga neih chu TC Pachhunga, Hon'ble Vice Chairman, Mizoram Tourism Development Board hovin Tourism Department Officials ten Delhi ah an chhim.

Meeting hmanpui
Deputy Chief Minister leh Public Health Engineering (PHE) Department changtu ni bawk Tawnluia chuan June 23, 2022 khan Multipurpose Hall Beraw Tlang ah PHE Department in kum 2022 atana an hnathawh thlirhona Works Review Meeting an neih chu a hawnna programme ah khuallin niin a hmanpui.

CM AWARD
Department of School Education buatsaihin kumin 2022 HSLC (High School Leaving Certificate) leh HSSLC (Higher Secondary School Leaving Certificate) exam a topper te hnenah June 23, 2022 khan School Education Department Conference Hall-ah Chief Minister's Award hlanna neih a ni.

Dy SPEAKER LEH MINNESOTA UNIVERSITY
June 23, 2022  khan Minnesota University, USA-a Centre for Integrated Natural Resources and Agricultural Management atanga Mizoram rawn tlawh mek mithiam ten Deputy Speaker Er. Lalrinawma chu a office chamber-ah Mizorama thlai thar leh hralh chhuah chungchangah an kawm.

Thukhawm
June 23, 2022 khan State Level Save Tlawng Committee chu an Chairman Chief Minister Zoramthanga hovin CM Conference Hall-ah an thukhawm.

CHHANCHHUAK KIM
Assam tuilian avangin Silchar-ah Mizo thenkhat harsatna tawka tangkhang te chu Mizoram Sawrkar hmalakna in June 23, 2022 khan chhanchhuah kim an ni tih sawrkar thuchhuak chuan a tarlang.