ZALEN July 13, 2024; Ni 10.7.2024 tlai Dar 3:00 hnu lama SP, Traffic Public Notice No.RO/TRF/AZL SMRT CITY-141/19/993 Dt.9.11.2023; Adaptive Traffic Control System (ATCS) chungchang mipuite hriattirna; notification chhuahni leh a thu tihdanglam - Helmet-a lirthei number ziah ngai tur anga social media lama darh chu Cyber Crime Police Station; CID (Crime) leh Aizawl Traffic Police-ten rang taka chhui nghalin ni 11.7.2024-ah he thil titu hi hriatchhuah a ni.

He thil titu hi ni 12.7.2024-ah SP, Traffic Office-ah koh a ni a. Amah hi Thuampui Veng; Aizawla khawsa niin College kal lai a ni. Thu zawhfiah ngaite ngun taka zawhfiah a ni a, ngaihdam dilna ziaka a thlen pawh ngun taka ngaihtuah a ni. A hmalam hun zel tur ngaihtuahpui chung leh criminal record engmah la neilo a nih avangin ngaihdam a dilna hi pawmsak a ni. Intiamna lehkha ziahtir niin a chungah Dan anga hmalak chhunzawm a ni lo.

Hetianga sawrkar lehkha pawimawh tihdanglam hi Section 336(3) of BNS, 2023 hnuaiah kum 7 thleng lungin tan leh pawisa chawi theihna a ni. Tin, Section 66D of IT Act, 2000 hnuaiah kum thum thleng lungin tan leh Rs.1,00,000/- thleng chawi theihna a ni.