April 25, 2023; Nikum 2022 khan Mizoramah ruihhlo vanga thi chhinchhiah mi 43 an awm a, chumi zat thuak chu kumin-ah ruihhlo thihpui an awm tawh. 

Excise & Narcotics department (END) chhinchhiah danin, kumin January atanga vawiin April ni 25 thlengin ruihhlo vanga thi mi 32 an awm tawh a, chung mite chu mipa 27 leh hmeichhia 5 an ni.

Nikum 2022 khan ruihhlo vanga thi chhinchhiah mi 43 an awm a, chung mite chu mipa 39 leh hmeichhia 4 an ni. A hrechiang te sawi dan leh dan leh thupek kengkawhtu ten ruihhlo an man dan atangin Mizoramah ruihhlo, a bikin heroin a hluar a, a zuar an tam tluk zetin a ti thar pawh an tam nia ngaih a ni.

Kum 1984 atanga vawiin thlenga ruihhlo vanga thi chhinchhiah tawh zawng zawng chu mi 1,736 an tling tawh a, chung mite chu mipa 1,531 leh hmeichhia 205 an ni.