Aizawl July 14, 2024 : Thla nga kalta, January, 2024 atanga May 31, 2024 inkar chhung khan Mizoramah khuarel chhiatna chi hrang hrang - thlipui, kangmei, lei min leh tui lian vanga in chhia 2,206 a awm.

ZALEN RTI zawhna, Disaster Management & Rehabilitation Department SPIO chhanna atanga a lan danin thla nga kalta khan khuarel chhiatna thleng zingah thlipui tleh vanga in chhia 1,797, lei min vanga 318, tui lian vangin 49 leh in kang 42 an awm a. Hemi hun chhung hian kangmei vanga thi mi pahnih leh leimin vanga thi mi 31 an awm niin SPIO chuan a sawi.

Zawhna chhangin SPIO chuan khuarel chhiatna a lo awmin sawrkarin an in leh lo chhiat dan kimchang Zonal Officer kaltlangin an thehlut a, SDRF norms angin tanpuina/chhawmdawlna pek thin an ni tih a sawi.