A tawp a tawpah chuan India rama a hmasa ber turin Hyundai Tucson thar chu siam chhuah a ni ve ta a, he SUV thar mawi tak mai hi thla thar August ni 4, 2022 hian tlanzarh a ni ang. 

Company chuan fourth-gen Hyundai Tucson hi an SUV dang zawng aiin an ti sei zawk a, Europe lamah chuan hralh a tla hle a ni. He SUV model thar hian Jeep Compass leh Citroen C5 Aircross te a rawn el phak tura ngaih a ni bawk. Heng bakah hian variant dang Tata Harrier, MG Hector leh Mahindra XUV700 te pawh an a tlukpui vela ngaih an ni.

2022 Hyundai Tucson Specification
Tucson tharah hian engine duh thlan tur pahnih a awm dawn a, pakhat zawk chu pertol hmang niin 2.0-litre 4-cylinder a ni ang, pakhat leh chu 2.0-litre VGT turbo diesel a ni thung ang. Petrol engine hian 156PS power neiin 6,200rpm a pechhuak thei dawn a, torque san theih ber 192Nm-ah 4,500rpm a ni thei bawk. 6-speed torque niin automatic gearbox a hmang ang.

2022 Hyundai Tucson Design
Turbo-diesel engine hi maximum power chu 186PS-ah 4,000rpm leh a peak torque 416Nm ah 2,000-2,750rpm a thleng phak bawk. He car hian a hmalamah McPherson Strut neiin a hnung lamah Coil spring a nei thung. Hyundai Tucson ke hi HTRAC niin eng khuaah pawh hman theih tura duan niin vur hmun, vut leh chirh ah pawha hman theih tura ruahman a ni. 

Hyundai lam sawi danin an Tucson thar hian features hrang hrang a neih zingah Alexa & Google Voice Assistant neiin vai leh sap tawng a hmang kawp thei dawn a ni. SUV hi remote hmangin a engine a start theih dawn bakah smart key, multi air mode, bose premium sound 8-speaker system, door pocket lighting leh passenger seat walk-in device a nei bawk ang.

2022 Hyundai Tucson hi ADAS (Advanced Driver Assistant System) a thuam niin passenger tan a him tha em em bawk a, airbag paruk lai a nei bawk. 

2022 Hyundai Tucson Specs
Hyundai Tucson hi a lian tha hem hem hle a, a sei zawng hi 4,630mm a ni a, a hlai zawng hi 1,865mm niin 1,665mm a sang a ni bawk a, a wheelbase hi 2,755mm a ni. Chhuak hmasa te nena khaikhin ralah chuan Hyundai Tucson hi a chungnung zawk hret vek a, chhuak hmasa aiin 150mm in a sei a, 15mm in a hlai bakah 5mm in a sang zawk bawk. Wheelbase phei chu 85mm zetin a danglam a ni.