Aizawl: Thla thum kalta (April-June 2019) chhunga Aizawl DTO in lirthei a ziahluh (register) thar zingah two wheeler a tam lawr hle.

Thla 3 kalta chhung khan DTO Aizawl hian lirthei 3591 an ziaklut a, heng zinga 2357 chu two wheeler a niin hei hi lirthei ziahluh zawng zawng atanga chhutin 65.63% a ni. Thla thum kalta chhung vek khan DTO Aizawl hian chhiah chi hrang hrang atangin Rs. 17,08,400 a hmu bawk.

Chhinchhiahna tarlan danin April-June inkar chhung hian Aizawl district huam chhungah Police ten thubuai 144 an ziaklut a, heng zinga 103 chu rukruk/mi rawk a ni a, hei hi thubuai ziahluh atanga chhutin 71.52% a ni. Thla 3 kalta chhung khan tualthah thubuai 2 leh pawngsual thubuai 4 ziahluh a ni.

Tunhnaia tlang zarh tak Quarterly Statistical Bulletin, Aizawl district tarlan danin thla thum kalta chhung vek khan Aizawl district ah naupiang 2160 an awm a, heng zingah 1085 hi mipa an ni a, 1084 chu hmeichhia an ni. Hetih hun chhung vek hian thi 776 an awm a, an zinga 490 chu mipa niin hmeichhia 286 an awm a, thi saa piang 17 an awm.