United Airlines-a chuang pa pakhat, kum 57 mi chu thlawhna a tum fel hmain rikrum a awma chhuahna tur (emergency exit) atanga chhuaka thlawhna thlaa a kal avangin man a ni.

Thlawhna hi Chigaco-a O'Hare International Airport-a a tum a ni a. Chicago Police Department (CPD) chuan California lam mi, Randy Frank Davila-a hian thlawhna thla a zawh zai zai hnuah tawlh tluin chhuatah a tla a, dan zawm lova uchuak taka a chet avangin an man tih an sawi.

United Airlines Flight 2478 hi San Siego atanga thlawk chhuak a ni a. Thlawhnaa thawkte hian a thlaa mihring kal hi dan pawh an tum viau a; mahse, an dang thei lo va. A chuang ve dang erawh him takin an chhuk hlawm.

Police chuan June 27-ah court-ah a inlan dawn tih an sawi.

February thla khan American Airlines-a thlawhna thlawh laia kawngka hawn tum passenger pakhat pawh thawktuin coffee pot-in a lo khawng thlu tawh.