DOWNLOAD OUR APP

Read latest news on your phone
app-store

Tibet vur tawlha chhan chhuah hna tawpsan, mi 28 vel thi

Jan 22, 2023

Tibetan kawngpuia vur tawlh thutin a chhilhte zawn leh chhanchhuah hna chu tawpsan a ni ta a, Chinese sorkar chanchinbu chuan mi 28 vel an thi niin a puang bawk.

Tibetan kawngpuia vur tawlh thutin a chhilhte zawn leh chhanchhuah hna chu tawpsan a ni ta a, Chinese sorkar chanchinbu chuan mi 28 vel an thi niin a puang bawk.

Tibet chhimchhak lama Nyingchi khawpui bula Thawhlehni tlaia leiverh chhuahna bula vur tawlh thut hian kawngpuia tlan lirthei eng emaw zat a chhilh.

Tual chhung chhanchhuah hna thawktute chuan vur tawlh hi ‘thlipui na tak thawk’ vanga thleng niin an puh.

Mi engzat chiah nge chin hriat loh tih hriat pawh a ni lo.

Mi 53 erawh dama lak chhuak an ni a, an zinga panga chu an hliam na deuh niin Global Times chuan a sorkar thuneitu sawi a chhuah chhawng.

Sorkar enkawl, Xinhua news agency chuan tual chhung thuneitute chhanchhuah hna thawktu mi 1,348 leh khawl chi hrang hrang 236 zet an thawn lut niin a tar lang.

Vur tawlh hian Mainling county-a Pai khua leh China khawthlang lam, Buddhist region kilkhawr kalpawhna kawngpui a chhilh a ni.

Helai tlang hi metre 4,500 zeta sang niin a awih hle a, kawng pawh kal a harsa hle.

Khaw lum chu chhiatna thlen chhan pakhat a nih thu emergency rescue headquarters-a hotute chuan Xinhua an hrilh bawk.

Khawvela tlang sang ber ber awmna, Himalaya-ah hian vur tawlh hi a thleng fo thin.

Nikum October pawh khan India hmar lam, Uttarakhand-a Mount Draupadi ka Danda-II-a lawnte chu vur tawlhin chhilhin mi 26 vel an thi.

Share now