- Dr. R. Lalrinsangi

Junior Research Fellow

PPvC, Civil Hospital

Aizawl

- Dr. Laltlankimi Ralte

Co- ordinator

PPvC, Civil Hospital

Aizawl

“A poison, when used in very small, controlled amounts, can sometimes become a medicine. Similarly, even a good thing or a medicine can turn into poison if overused or misused.”

Mizoram pawh kan lo changkang chho ve zel a. Network-marketing te kan hmelhriat hnuah phei chuan, a hmaa kan hriat ngai loh Ayush (ramhmul?) damdawi te nen kan in chiahpiah nasa ve ta hle mai.

Ayush damdawite hi Pharmacopoeia (Damdawi siam leh hman dan tur inziahna bik) tlawhchhana siam vek an ni a. Chumi hnuah a chawh turin helama zirna bik nei (AYUSH Doctor) rawn hnua ei chauh tur an ni. Heng zawng zawng hnuah pawh mihring taksa kan in an loh avangin harsatna eng emaw kan chungah a la thleng ve thei cheu bawk.

Chung harsatna thleng thei te chu:-

Adverse Drug Reaction( ADR) :-

Kan tumlawk vang ni miah silova kan damdawi ei avanga kan taksa a harsatna lo thleng, damdawi ei zat leh eidan bituk anga ei hnu pawha harsatna lo thleng si te; Allergy emaw kan taksa a thawh dan danglam bik vanga a reaction dang deuh lo awm vang te emaw, kan ei dan dik hlel deuh vangte leh chhan hriat loh vangte in kan taksaah harsatna a lo thleng thin hi ani.

 He ADR kan tih hi chi hrang hrang a awm a, chungte chu-

1. Augmented – Damdawi hnathawh (Pharmacological action) lo danglam deuh vangte ani tlangpui thin a. Damdawi ei dose tih danglam hret a reh leh mai thei chi an ni a, case report neih tamna ber an ni bawk. E.g – Damdawi in ang company dang siam ei vangte, damdawi dang nena ei pawlh vanga a hnathawh tur aia nasa a lo thawk te emaw ei dan tur a pek dose dik lova ei palh vangte a harsatna lo thleng hi an ni.

2. Bizzare- Sawifiah theih loh a mak taka harsatna lo thleng sawina ani. Kan taksa danglam bik vangte a damdawi ngeihloh bik kan neih thin te hi ani tlangpui a, damdawi ei dan (dose) dik leh dikloh vang lam a ni lo tlangpui. E.g – Damdawi allergy entirnan Penicillin te, sulpha drugs kan tih ho te ngeihloh vanga taksa ah vung etc. lo awm thin ang ho sawi­na kha a ni.

3. Chronic – Damdawi rei tak ei/hman tawh vanga harsatna kan tawh te hi hemi hian a huam. E.g – Nachawkna etc. te ei natsat lutuk avanga pum thalo kan neih ang te, mutna damdawi kan ei rei tawh lutuk avanga a ngawl vei/ a telloa awm theih lohna thleng te hi an ni.

4. Delayed – A la thleng dawn tih hriat tho si, mahse rei tak tih/ei hnu chauha harsatna kan tawh ang hi. E.g – Zial zu nasa mi chuan chuap cancer te anla vei thei tih kan hriat lawksa ang te hi a ni.

5. End of Dose related ADR – Damdawi ei tawh thin reng pawh a course kan ei zawh tawh dawn hnu lam emaw ei lai ei chawlh ah chauh harsatna lo thleng thin hi a awm ve. E.g – BP sang te, zunthlum damdawi ei lai kan chawlh thut hian BP/Zunthlum han san zual thut emaw buai phah te a awm ve thin.

AYUSH Damdawi chanchin tlangpui:

AYUSH tih hi system hrang hrang hlawm khawm a ni a. System hrang an nih angin damdawi leh a ei dan te, a chawh dan te pawh a hrang hlak an ni a. Tun tumah hian AYUSH hnuaiaa mi Ayurvedic damdawi bik hi han thlur bing dawn ta ila.

Ayush damdawi kan tih hian mizote chuan hnim hnah/thlai hring atanga siam tih hi kan ngaihdan ani tlangpui thin a. Ayurvedic damdawi te hi siam dan hlawm lian a then niin -

1. Herbal (Thlai/Hnimhring) atanga siam te. E.g : Tab Ashwagandha

2.Herbo-Minerals (Ransa/Leilung hausakna leh herbal ho pawlh) E.g : Yogaraj Guggulu

3. Rasa ( Minerals- leilung hausakna hlang) E.g : Rasa Sindoor te atanga siam an ni.

Heng bakah hian Ayurvedic damdawite hi chi hnih (2) a then hran dang a awm leh a –

1. Classical Medicines (From Ancient Ayurvedic Books) – hmanlai atang tawh a lehkhabu pawh a lo ziah luh tawh chhawm nun ho. E.g : Triphala etc..   

2. Proprietary Medicine (Company products) – Tunlai a an zawrh kan hmuh tam ber company in hming a siam sak (Brand Name) hmang tea zawrh thin ho. E.g : Liv 52 etc..

A damdawi bul ber (main ingredients) bakah hian a damdawi tichaktu tur leh vawngtu tur pawlhsawp an nih bawk thin avangin a chang chuan Poly herbals tiin kan sawi mai thin a. Tin, Herbals kan tihah pawh hian chi hrang hrang awmin Poisonous leh Non-Poisonous (Tur pai leh pai lo thlai) te an awm leh a. Plants chikhat Aconitum Ferox kan tih hi tur hlauhawm Aconite an pai a, mahse hei hi a nih tur anga processed (sawngbawl) an nih hnuah chuan damdawi tangkai takah a chhuak ta thin a. Heng damdawite hi tha tak si fimkhur taka hman ngai an ni tlangpui. Heng kan thai lan te hi a nihna anga hman tawp ni lovin, damdawi a chantir tur khan Purification Process (Tih thianghlimna) leh siam danglamna tam tak an paltlang hnua Damdawi atana hman chauh an ni ta thin a ni. 

Ayush Pharmacovigilance:-

Mi tam tak ngaihdanah chuan AYUSH damdawite hi Side effects awm lova sawi thin an ni a. Mahse thil reng reng hi Effects an awm dawn chuan Side effects an awm ve a ni tih hi hriat tel a tha.

Heng a him tih chang chawia Quality tha an ni nge nilo hre lova lo ei ve ngawt te, a pawlhsawp a dik em tih te, a thianghlim tawk em, kan hmandan a dik em tih zawng zawng hi hriatchian phawt a tul a. A nihna tur ang taka kan hmanglo anih chuan Side effects emaw Adverse Drug Reaction chu a awm thei dawn lutuk ani tih hi kan hriat a tul a ni. Tunlai hian damdawi thenkhatah Ayurvedic tih inziak si mahse Chemical hlauhawm (Steroids emaw) lo pawlh tawk pawh an awm ve tih kan hriat a tha.

Ayush / Ayurveda chuan eng­kim hi zirchian tlak/ chhui chian dawl (Scientific base) a chhawp chhuah zel a duh tawh avangin, damdawi lama a bika chhui zuia/ zir chianna turin National Pharmacovigilance Program for AYUSH (NPP-AYUSH) chu kum 2008 khan Ministry of AYUSH-in a din a. Mizoram-ah pawh AYUSH Directorate hnuaiah hian Pharmacovigilance cell hial alo din phah ta ani. Eng nge chu chu kan tih chuan India ram chhung, a bikin phai lam atanga chah luh damdawite hi a lar hle a, company tam tak awmin damdawi siamchhuah a tam hle. Hengah te hian Pharmacopiea-a dan awmte zawm tha tawklo awm ve thin in market lam a zawrh chhuah a tam si a, dan in a phal chin bak bak a fak uchuakna hmuh tur a tam tak em vangin Ministry of AYUSH chuan AYUSH damdawi te a lo him zawk nan, mipui te lo him zawk nan leh AYUSH damdawi siamchhuahna kawngah te hma kan sawn theih nan he program hi alo din ta a ni.

Dan leh dun lam :-

He Pharmacovigilance hnuai­ah hian damdawi siamchhuah lam leh eidan chauh niloin zawrh chhuahna kawng a mipuite himna atana hmalakna tura hnathawhna a keng tel a. The Drugs and Magic Remedies (Objectionable Advertisements) Act, 1954 hnuaiah hian heng AYUSH damdawi ni a inchhal te reng reng chu hmansual a awm loh nan tiin zawrchuahna kawngah hian dan leh dun a siam nual a. Damdawi anihna bak bak a fak te, a tih theih ni miahlo ti thei a chhuah te, magic ang maia natna enkawl reng ngai kan tih mai entirnan zunthum dam theihna etc.. tia fak te khapna dan a siam a. Hemi hnuaia dan bawhchhia a zuar te chu hremna pek theih an nih thu te leh medical mi leh sa nisa tan pawah license cancel theihna hial te a dah a ni.

Mipuite hriat tur pawimawh:-

Heng Ayush damdawi chungchangah hriatchian/zawh tur nei chuan AYUSH OPD ,Civil Hospital, BLOCK‘D , 1st Floor-ah zawhfiah theih reng a ni a.

AYUSH Damdawi zuar na­zawng hi AYUSH mi leh sa anni kherlo tih hriat a tha. Khaw thenkhat leh khawi emaw laia Ayush hming chhala mi ina kal kual (door to door)-a damdawi zuar thin an awm hi Ayush Pharmacovigilance chuan pawi a ti a, Mipuite fimkhur turin kan in ngen nghal a ni.

AYUSH damdawi report duh nei tan kan in hawng reng a, te lua awm lovin Ayush damdawi ei hnua pum nuamlo, vun thak etc. leh Allopathy damdawi nen ei kawp ngam a ni em tih zawhna zawng zawng pawh kha report emaw zawhfiah theih a ni.

AYUSH Doctor-in damdawi min chawh te sawiselna leh zawh fiah duh kan neih chuan midang hnena kal mai lovin, Ayush Doctor ngei I rawn thin ang u.