- JB Foundation

A CAUSE FOR PAWS

UI NOTE HRALH/ZAWRH CHUNGCHANG

• Ui note hi kar riat (thlahnih) a tlin hma loh chuan hralh phal a ni lo.

• Puipunna hmun bazaar, kawngsir,etc ah hralh sum chan tir duh vangin Ui note zawrh tur a ni lo a, danin a rem ti lo bawk a ni. 

• Ui neitu/enkawltu in a ui note te a hralh dawnin, an hriselna a that leh thatloh check sakin an hriselna dinhmun chiang tak leh felfai takin a vawng tur a ni. 

THU PAWIMAWH (License nei) BREEDER TEN AN ZAWM TUR TE

• Ui pui (nu) hian kum khat ah vawi hnih lai nau an nei theia, amaherawh chu a zawna an neih theih vanga neihtir hi an hriselna atan thalo thei a nih avangin dan in a phallo a ni. 

• Kum khata vawikhat an rai kha duhtawk tur ani a. Chumi zawm lova lo kah rai emaw pawngsual lam thil rawngkai a awm anih chuan dan angin hrem theih an ni.

• Ui pui(nu) reng reng a damchhungin naute vawi nga bak neih tir tur a ni lo.

• Ui pui (nu) te hi kum riat chung lam an nih hnuah rai tir phal an ni lo.

• Ui pui (nu) te vaccine an pe tha tur a ni a. Chumi piah lamah chuan a hun thlap thlapah rulhut hlo te pek thin tur an ni.

• Ui breed tha leh dangdai siam chhuah duh vang emaw neih duh vanga a pa pawl tir emaw, tihluih te hi khap tlat ani.

RAN DAWR NEITU TE TANA HRIAT TUR:

• Ran dawr neitu tute pawhin an in register na (Pet Shop License) certificate an dawrah hmuh theihin an dah tur a ni.

• Ran dawr neitu ten an dawr chu Society for Prevention of Cruelty to Animals (SPCA) tena inspection neia thlithlai emaw enfiah an duh hunah an in hawng tur a ni.

Heng dan tha deuh deuh te hi a taka hman theih tur a duan leh tlangzarh tawh a ni a, a zawmlo tute chu mipui (Ui vulhtute) bawk hi kan nih zel avangin sawrkar mai bakah khawtlang buaiin kan buai phah tawh niin a lang. 

A bikin Ui leh Zawhte avanga a khawtlang huapa buaina leh harsatna kan tawh zozai te hi a tihreh dan tur dan tha tak duan sa hi thuawi takin zawm mai ila chu chu kan zavaia dam tlanna tur ber a ni. 

Dan tha deuh awm sa zawm anih loh chhung hian a hman hmanin Sumdawnna tha tak atan an hmang mek a, Ui note piantir chur chur a zuar leh nghal te, a leituten an enkawl zawh leh siloh avanga khawlaia chhuak vak tam lutuk te, bo leh chhar tam lutuk te, a lian tawhsa ei atan a zuar tam ta lutuk te, tihduhna te, hlamchhiah te, khawlaia ui ek tam vanga mipui kan phun mur mur ta te hi a nghawng chu a ni. 

Dan hi ngaipawimawhin zawm vek tu niila kan khawtlang, kan Zoram hi nuam taka siamtu kan ni mai dawn a lo ni.