ZALEN July 30, 2024; Ṭhalai Kristian Pawl (ṬKP) Bawngkawn Unit ten ṬKP day vawi 73-na pualin July ni 29, 2024 zan khan thlanlaih hnatlang an nei a. Thlan khur hnih laiin, Member Mi 54-an thawkchhuak.

Hetianga Kohhran ṭhalai ten khawtlang mamawh hria a, an pen chhuak hi Bawngkawn branch YMA chuan lawmawm a ti a, ṬKP te an rawngbawl zelna turah duhsakna an hlan.

Vawiin July ni 30, 2024 (Thawhlehni) hi ṬKP din champha vawi 73-na a ni a. Kumin ṬKP day thupui chu 'I Pathian tawk turin inpeih rawh’ (Amosa 4:12) tih a ni.

ṬKP Day hi kum tinin member ten urhsun takin an hmang thin a. Unit tam zawk chuan zing karah social service thawkin vantlang hmun leh Biak In leh a chhehvel te an tifai a, zan lamah MṬKP atanga programme duansa angin Unit tinah ṬKP day lawmna Inkhawm urhsun takin an nei thin.