March 25, 2022; Chief Minister Zoramthanga hova Council of Ministers thukhawm  chuan Tlabung RD block leh Kawrtethawveng RD block siam an remti.

Vawiin, March 25, 2022 a meeting-ah hian Rural Development Department atangin Tlabung RD Block leh Kawrtethawveng RD block siam tura rawtna lut chu chik taka ngaihtuah a nih hnu in pawm a ni a. Tlabung RD Block thar siam tur hi Lungsen RD Block atangin leh Bunghmun RD Block hmun thenkhat atanga sahthlak tura ruahman a ni a; Kawrtethawveng RD Block hi Zawlnuam RD Block atanga sahthlak tura ruahman a ni bawk.

India sawrkarin thuchhuah a siam bawhzuia Home Department atanga lut Mizoram Private Security Agencies Rules, 2022 chu pawm a ni a. Excise & Narcotics atanga Mizoram Liquor (Prohibition) Draft Rules, 2022 rawtna thehluh chu vawiin meeting-ah hian chhawpchhuah niin pawm a ni bawk.