ZALEN May 28, 2026: OSD to Chief Minister R. Lalrodingi chuan vawiin khan Chief Minister hnenah lehkha a thawn a, hetah hian Tourism Director atana ruatna chu la sawn turin a ngen a, an dahna hi department officer post a nihna erawh humhim hram dan awm sela a duh thu a tarlang bawk. He a ngenna hi CM pawhin a pawm tawh nia thu dawn a ni.

R. Lalrodingi hian a lehkhaah hian, "Tourism hmasawnna kal mej a thuanawm lohna turin Tourism Department Director post min chelh tir chungchangah MZP-in nasa taka an dodal tak si avangin ni thum lai office hna kal thei thei lovin kan lo awm ta reng mai a.

"Hemi chungchangah hian hna ti thuanawp tu leh i sawrkar pawhin duhsak uchuak nei anga lang thei tura keimah ka lo awm reng hi a dik theiih ka hre lova.

"Chuvang chuan Director Tourism hna atang hian min la sawn mai turin ka ngen che a, Departmental officer post a nihna erawh chu humhim theih hram dan awm sela tih erawh chu ka ngen tel bawk a ni.

"Tourism Department-ah la service hun tawp lam min dah avangin lawmthu ka sawi a, tunah erawh chu dodalna nasa awm avangin ka in resign thu ka rawn hriattir che a ni," tiin a ziak a ni.