July 24, 2023; Mizoram aia Tripura a inbenbel thlang, inbengbel mek Bru te chuan Mizoram hnuaia an awm lai an ngai hle tih ZALEN an hrilh.

Mizoram hnuaia an awm laia an pawl lian ber ni thin, Mizoram Bru Displaced People Forum (MBDPF) hruaitute chuan, inenkawlna kawngah te, sik leh sa thu ah te an mipui ten Mizoram an ngai hle tih an sawi a, an lungte pawh a len thu te ZALEN an hrilh.

ZALEN thudawn danin, tun dinhmun ah Bru chhungkaw 6,300 bawr vel chu location tihfel sak an ni tawh a, chung mite chu Tripura roll ah thun zel an ni. Hetihlai hian location la tih fel loh chhungkaw 651 an la awm a, chungte chu roll ah thun an la ni ve rih loh thung.

Bru te hi Tripura chhung hmun 11 ah an inbengbel mek a, inremna angin, sawrkar laipui leh Tripura sawrkar atangin hamthatna hrang hrang an dawng a ni.

Hetihlai hian Mamit District chhung atangin voter 9,130, Kolasib District atangin voter 1,979 leh Lunglei District atangin voter 888, a vai a belhkhawm a voters 11,997 te chu Mizoram Electoral roll atanga paihfel an ni tawh.