Aizawl: Mizoram atanga Tripura a tlanchhia Bru voters 707 te chu Tripura electoral roll-ah thun an ni tawh.

Mizoram Election Department thawktute hnen atanga ZALEN thudawn danin Tripra Electoral Roll a thunluh te hi Hachhek bial atangin voters 364, Dampa 34, Mamit 178, Tuirial 63, Kolasib 16, Serlui 43, Thorang 4 leh West Tuipui bial atangin voters 5 te an ni.

Election department thawktute sawi danin Tripura sawrkarin an state a inbengbel, in leh lo nei ngei te chu enfiahin an state electoral roll-ah an thun a. Voters thun thar te hi ERO Net ah dah zel a niin heng mite hi automatic in Mizoram electoral roll atangin paih (delete) nghal zel an ni tih an sawi. 

Mizoram atanga Tripura a tlanchhia Bru te hi Mizoram Home department chhinchhiah dan leh Tripura sawrkar chhinchhiah dan a inang lo a, engzat chiah nge Tripura electoral roll-ah thun an nih dawn a la hriat loh a ni.

1.6.2022 thleng A roll thun zat

Mamit    - 576
Kolasib   - 122
Lunglei   -  9
Total       - 707