Aizawl : PHE Department chuan April 14, 2021 khan thuchhuah siamin tui connection pek titawp rih tur thu an tarlang. Nilaini atang khan tui connection pe leh turin tih a ni a, amaherawhchu connection la nei lo tan chiah pek an ni rih dawn.

Hemi chungchang ZALEN a hrilh danin  PHED Zone I Chief Engineer HC Lalnunzira chuan, connection hi ni hnih vel kalta atang khan chhunzawm leh a ni a, mahse, a hmang ang kha chuan dil zawng zawng pek an nih loh tur thu a sawi.

ZALEN a hrilh danin tui connection pek chu kalpui chhunzawm a ni a, tui connection la awm lohna, In luah nge-ah chiah connection hi an pe rih dawn. Connection an nei tawh ngei em tih chu Junior Engineer (JE) ten an endik hmasak hnuah connection hi a la awm lo ngei a nih chauhin connection hi pek a nih tur thu a sawi. 

Tui an pump dan chungchangah tunah rih chuan an tluang rih tawh tih a sawi a, ngai awh leh tur erawh chuan hun an la mamawh tur thu a sawi.