August 7, 2023; Ningani atanga ruah sur avangin Tuichawng lui leh a fintute a lian hle tawh a Chawngte a veng thenkhatah chenna in luah theih lohvin a chim tawh a, tuiin a chim hlauhawma awm pawh engemaw zat awmin, chhungkaw 45 te chu hmunhim lam ah an bungrua thiarchhuah tawh a ni.

The Lawngtlai Post in a tarlan danin, Kamalanagar -IV ah tuilian vangin in luah theih lova chim awmin Kamalanagar - I New Angel School thlang lamah pawh tuilian hian a chim bawk a, mitlawngngai ten an bungrua an thiarchhuah pui a ni.

Ruah hi ala sur belh zel chuan hlauhthawn awm engemaw zat a awm belh tura ngaih a ni a, chhiatna nasa zawk thleng thei dinhmunah a ding.

Chawngte SDO (C) Lalneihthanga Colney chuan thil awm dan sawrkar chuan a vil reng thu a sawia, a hmun ah kalin SDO(Civil) ho hian chhanchhuah hna thawh dan te ruahman niin, chhungkaw 45 chu hmun him lam ah sawn an ni tawh a, school leh In ruak remchang ah te suanluh niin, ruah a sur zui zel a nih chuan tuilian tuartu hi an pun zel rin a nih thu a sawi a, mipuite chiailo tur leh sawrkarin ruahmanna a siamte zawm thiam turin a ngen