August 7, 2023; Khawthlangtuipui lian vangin vawiin thlengin Tlabungah chhungkaw 16 hmun himah sawn chhuah an ni tawh.

Tlabung atanga ZALEN thudawn danin, Khawthlangtuipui hi tunhnai ni 3 chhungin feet 20 velin a san belh a, chenna in a chim tawh, chhungkaw 16 te chu school leh hall ah te sawn chhuah an ni.

Tlabung SDO (Civil) H. Zonunmawia ruahmanna in tuilian tuar te sawn chhuahna tur hmun 10 ruahman fel tawh a ni bawk.

Hetihlai hian July 24, 2023 atanga ding tawh Maxi cab te chu vawiin atanga tlan tan tur an nih laiin, tlan ngam an la awm lo a, Lunglei leh Tlabung inkar hmun 4 velah leimin in kawng a hnawh a, chungte chu JCB leh Hitachi hmangte in thenfai mek zel an ni.