ZALEN June 26, 2024; Nimin tlai dar 3:30 vela tui tla, Malsawmtluanga (22), Champhai Dinthar veng chu ngawrh taka zawn chhunzawm zel a ni.

Zokhawthar branch YMA hruaitute hnen atanga ZALEN thudawn danin, Zokhawthar, Champhai Dinthar leh Khawmawi atangin mi tlawmngai thahnemtak an thawkchhuak a, a tlakna Zokhawthar bul Tiau lui hmun hrang hrangah an insem darh a ni.

Tarlan tawh angin, Malsawmtluanga hi Zokhawtharah In sa a inhlawhfa niin, nimin khan Tiau luiah inchiah dai turin an kal a, hetah hian chesual palhin vanduaina hi a tawk a ni.